Den 1. Juli hat d’Associatioun “Pro Latinitate” déi bescht Latinisten aus dem ganze Land fir hir alljärlech Präisiwwerreechung an de Stater Kolléisch agelueden. De Lycée Josy Barthel vu Mamer war mat enger Delegatioun vu 6 Schüler vertrueden, déi hire verdéngte Präis entgéintgeholl hunn, dëst a Begleedung vun hirem Latäinprofesser, dem Här Pedro Batista. Mir gratuléieren op dësem Wee nach eng Kéier dem Laura, dem Junyi, dem Catherine, dem Gioia, dem Lena an dem Enzo fir hir gutt Leeschtung an dem Här Pedro Batista fir d’Ënnerstëtzung. Summa cum laude! (net op der Foto: Enzo, Junyi)