D'WUERT VUM DIREKTER

Wëllkomm am Lycée Josy Barthel zu Mamer!

Ob am Enseignement secondaire classique, am Enseignement secondaire général oder an der Voie de préparation, an dësem lëtzebuergeschen, ëffentleche Lycée ass et fir all Schüler méiglech, de richtege Wee ze fannen an ze goen.

Een agespillten Team vu méi wéi 200 Leit begleet scho säit 2003 Joer Schüler op hirem Wee vu 7e bis op 1re an doriwwer raus, dat Ganzt an enger onvergläichlecher, familiärer a sympathescher Atmosphär, wou déi néideg Disziplin awer och net ze kuerz kënnt.

Geliefte Solidaritéit, Nohaltegkeet, gemeinsam Wäerter an ee qualitativ héichwäertegen an zäitgeméissen Unterrecht bereeden d’Schüler gutt op d’Examen an op d’Liewen no der Lycéeszäit vir.

D’Offre scolaire ass engersäits breet gefächert an innovativ, setzt awer och kloer Schwéierpunkten an den Naturwëssenschaften, der Architektur an de Sproochen.

Komm an entdeck de Lycée Josy Barthel. Mir si fir dech do!

Claude Christnach
Direkter vum Mamer Lycée