Léif Schülerinnen a Schüler

am Kader vum Projet de Développement Scolaire organiséieren d‘Däitsch- an Engleschdepartement eng Give Box am LJBM.

D’Konzept ass iech villäicht bekannt: Saachen, déi net méi gebraucht ginn, déi awer nach e Wäert fir anerer kënnen hunn, kënnen an der Box hannerluecht ginn, fir datt en aneren se bei Bedarf mathuele kann.

D‘Give Box setzt sech deementspriechend fir de nohaltegen Konsum a géint d‘Verschwendung an.

Wann dir iech um Projet bedeelege wëllt, ass et wichteg, datt dir iech u folgend Reegelen haalt:

• Gitt nëmme Saachen of, déi propper a funktionell sinn.
• Bréngt just Géigestänn mat, déi net ze grouss sinn, fir datt si hier Plaz an der Give Box fanne kënnen. Mir denken do u Computerspiller, Schreifartikel, Kleeder, Bicher, Bijouen etc.
• Bréngt näischt mat, wat geféierlech oder verdierflech ass.

Eis Give Box späert all Dag tëschent 11:50 an 12:40 hier Dieren op.

Dir fannt se an der Entrée vum CDI a Form vun enger Vitrinn.

Mir géifen eis freeën, wann dir eise Projet géift ënnerstëtzen a soen iech villmools Merci am Viraus.

D’Equipe vun der Give Box