De 17. November haten d’Studente vun der B1BIM an der B2BIM déi groussaarteg Geleeënheet, wärend der renomméierter BIMLUX 2023 an d’Welt vum Building Information Modeling (BIM) anzedauchen. Op dësem Event hu sech national an international BIM-Experte am Gebai vun der Chambre de Commerce versammelt a léierräich Presentatiounen an Atelieren ugebueden. De Schwéierpunkt louch dobäi um Retour zu de Grondlage vum BIM, andeem sech mat de leschte Fortschrëtter, den aktuellen Entwécklungen an den zukünftegen Erausfuerderunge vun dësem dynamesche Beräich befaasst gouf. Eis Studenten, begleet vun hirem Coordinateur, dem Här Chlecq, hunn deelgeholl u verschiddenen Aktivitéite wéi thematesche Konferenzen, prakteschen Ateliere souwéi der Presentatioun a Virféierung vu Software. Duerch dës Erfarunge kruten d’Studente wäertvoll theoretesch a praktesch Kenntnisser, déi hir Leidenschaft fir d’Digitalisatioun vum Bausecteur weider ugereegt hunn. Mir sinn houfreg ze gesinn, wéi eis Studenten aktiv un esou wichtegen Eventer vun der Industrie deelhuelen, hir Erfarungen aus éischter Hand gewannen a sech mat Experte vernetzen. Ee grousse Merci geet un d’Organisateure vun der BIMLUX 2023 a virun allem un den Här Charlie Boon-Bellinaso, fir esou e gutt strukturéiert an informatiivt Event op d’Bee gestallt ze hunn.