D’Bautechnikerschüler vun der 1TPGC1 haten den 9.11. d’Geleeënheet, een Abléck an d’Waasserversuergung vum Syndicat des Eaux du Sud ze kréien. Vum Captéiere vun de Quellen iwwer d’Filterung, d’Pompelen, de Reservoir bis hin zur Verdeelung konnten d’Schüler de gesamte Prozess gesinn. Eng gutt Planung an eng zouverlässeg, héichmodern Technik erlaben et, all Haushalt vun net manner wéi 22 Gemengen aus dem Süden dagdeeglech genuch proppert Drénkwaasser an excellenter Qualitéit zur Verfügung ze stellen. Ee grousse Merci un d’SES an un den Här Luc Berens fir déi ganz interessant Visitt.