Aktivitéiten vun der Mosaik-Klass

« Du, d’Natur an d’Wëssenschaft. » Dat gëllt och fir d’Schüler aus eiser Mosaik-Klass. Si hunn zesumme mat hiren Enseignanten e. a. ganz praktesch geschafft, andeems si an den Naturwëssenschaften dobaussen um Terrain waren a verschidde Phänomener an Déiere genau ënnert d’Lupp geholl hunn. Am Beräich vun der Konscht hu si den « Du » behandelt, si hunn am Kader vun eisem Projet d’établissement « Eis Schoul, een Team » un dem Concours zum Sujet « Respekt » deelgeholl a ganz flott Konschtwierker geschaf. Hei e puer Impressiounen aus béiden Aktivitéiten.