Et war eng grouss Erausfuerderung déi vu jidderengem gemeeschtert gouf – BRAVO! Eisen Asaz an der letzter Woch a virun allem dëse Weekend am Kinnéksbond, souwuel op der Bühn wéi och an der Kichen, huet sech rentéiert.

Mir soen dem Nicolas Givran a sengem Team, dem Jérôme Konen an der ganzer Equipe vum Kinnéksbond an jidderengem Merci, deen un eis gegleeft huet an eis ënnerstëtze komm ass – et war fir eis all eng Berouegung, vertraute Gesiichter bei den Opféierungen dobäi ze hunn.

De Nicolas Givran a säin Team ware begeeschtert, fir si war dëst déi éischte Kéier wou si mat Schülerinnen a Schüler, an dësem Kontext, zesummegeschafft hunn.

Mir sinn iwwerzeegt, datt esou Projeten an Zesummenaarbecht mat nationalen an internationale Kënschtler a natierlech och mam Kinnéksbond eng grouss Beräicherung fir eis Schoul sinn.

Eivissa, Alissa, Daniela, Loïc, Gilles, Alice, Jimmy, Tyra, Julie, Catarina, Rachel, Pitt, José, Chiara, Joao, Jessica,
Véronique Prim, Dishny Fernando, Maurizio Di Stasi a Roland Herrmann