Den 13. Juni hunn 9 Schüler aus dem LJBM mat vill Erfolleg zu Mamer um Championnat am Mountainbike deelgeholl. Bei den net-affiliéierte Minimes ass den Thomas ënnert 11 Starter de 5. ginn, wärend de Jim sech säin 1. Championstitel erkämpfe konnt. Bei de lizenzéierte Cadets ass de Pit-Paul deen 2. ginn, wärend den Thibault et bei de Cadets ouni Lizenz nach besser gemaach huet, a sech ënnert 6 Starter de Championstitel geséchert huet. Bei den net-lizenzéierte Juniors/Seniors hunn eis 5 Schüler vun der Optioun Sport de Gros vum Starterfeld gestallt. Den Aymeric, de Lucas, den Tom an de Lino hunn d’Plazen 2 bis 5 beluecht, wärend de Kilian, deen eigentlech den 2. war, net iwwert déi richteg Zillinn gefuer ass, an dowéinst net klasséiert gouf.