Et gouf och erëm eng Aktivitéit am Kader vum Mérite Jeunesse. Eng Ekipp vu 4 Schüler ass opgebrach, fir zwee Deeg mam Rucksak duerch d’Ländchen ze reesen. Si si beim LJBM gestart an den éischten Dag bis op Simmer op de Camping getrëppelt. Hei hu si bei zimmlech niddregen Temperaturen am Zelt geschlof. Den Dag drop ass et du weider op Äischen gaangen. Ënnerwee hu si sech un de Panneauen iwwert d’industriell Geschicht vum Weste vu Lëtzebuerg informéiert. Eis Schüler hate vill Spaass an hu sech op hirer Expeditioun gutt ameséiert – en Erliefnes, wat si soubal net wäerte vergiessen.