D‘Klass 1TPGC2 huet dee grousse Chantier hannert dem LJBM besicht. Hei ginn an engem vum Fonds de Logement ënnerstëtzte Projet 224 Wunnenge gebaut. Eis Schüler konnte bei dëser Visitt vill Spannendes gesinn, wéi z. B. déi ganz Infrastrukture vum Projet, an och live interessant Aktivitéiten erliewen, wéi z. B. d’Buedem-, d’Ofdichtungs- an d’Dämmaarbechten. Doriwwer eraus krute si och en Abléck an d’Verschalungs- an Entschalungsaarbechten, d’Bewehrung an d’Betonnéieren.