Dës Woch waren e puer Schüler vun der 2ème an der 1ère GA3D vum Mamer Lycée op der éischter KlimaExpo an der Luxexpo.

Si hunn dem Virtrag vun Eurosolar, gehale vum President Paul Zens, interesséiert nogelauschtert a vill wëssenswäert Elementer zum Thema Nohalteg Baue mat op de Wee kritt.

Si hunn sech och mat der Agenda2030 fir Lëtzebuerg (www.agenda2030.lu) ausernee gesat an hu sech selwer Ziler gesat.
Hire Message, dee si weidergi wëllen: Manner schwätzen, méi maachen! Fir eis Ëmwelt, Natur an Äerd!