Gëschter war de grousse Vernissage vun eiser A3D-Ausstellung. Den Här Christnach an den Här Herrmann hunn déi iwwer 80 Gäscht begréisst, de Kontext vun dëser spezieller Sektioun erkläert an duerno konnten d’Visiteuren d’Projeten a Maquettë vun de Schüler entdecken. D’Aarbechten vun eise 4e-, 3e-, 2e- a 1re-Klassen hunn e. a. de Site vu Villeroy&Boch a seng Ëmstrukturéierung als Theema gehat, an eis Schüler waren immens kreativ. D’Schüler, d’Elteren, d’Enseignanten an d’Direktioun si ganz houfreg op d’Resultat, wat dunn als Ofschloss bei engem Patt an enger Knabberei beschwat gouf.