Kuerz virun der Ouschtervakanz hat den Theatergrupp vum LJBM op déi véiert Editioun vu sengem Theaterowend agelueden. 22 Schüler aus dem cycle inférieur a supérieur stungen op der Bühn an hunn an engem gutt gefëllten Festsall hiert Talent an hir Spillfreed ënner Beweis gestallt. D’Schüler an d‘Enseignanten hate sech säit Januar intensiv op d’Virféierung virbereet an een ofwiesslungsräichen Owend mat kuerzen Theaterstécker a Sketcher op franséisch, lëtzebuergesch an däitsch gebueden. Tëschenduerch gouf et musikalesch Ënnerhalung vun der schoulinterner Band „Josy S(w)ings“ souwéi z’iessen an ze drénken. Bob LEURS – 04/2017 – Photos: David MARCUS