D’T2GC3 war den 30. Mäerz ’17 an de Musée Dräi Eechelen d’Ausstellung iwwert de « Pont Adolphe »  kucken, an Nomëttes hat se Rendez-Vous um Geriicht. D’Fréijor hat sech vun senger beschter Säit gewisen, sou datt mer vun den Dräi Eechele konnten ze Fouss erof an de Pafendall an dunn erop an d’Stad  goen, wou mer dervu profitéiert hunn, verschidde Monumenter wéi den Huelen Zant an d’Grande-Duchesse Charlotte, a politesch Institutiounen wéi de Staatsrot, d’Chamber, dat aalt Geriicht, d’Regierungsquartier  a villes méi ze entdecken an ze lokaliséieren. Yolande REITER – 05/2017