Véier Schülerinnen vun T2GC (12e technicien en génie civil) haten d’Chance, fir vum 13. Juni bis den 11. Juli 2015 e Stage vu véier Wochen bei Architekten- an Ingenieursbureauen zu Hamburg ze maachen. Dës Stagen hu stattfonnt am Kader vum Projet “Erasmus+”, dee vun der Europäescher Kommissioun subventionnéiert gëtt.

Bei enger Informatiounsversammlung de 27. Oktober 2015 fir Schüler, déi dëst Joer op den T2-Klasse sinn, hu si vun hiren Auslandserfahrungen erzielt an den interesséierte Schüler hir Froen beäntwert. Och dëst Schouljoer kënnen nees véier Schüler/innen vun T2 vun enger Erasmus+ Bourse profitéieren, fir hire Stage am Ausland ze maachen.

Am Kader vun dëser Versammlung kruten d’Tamara Biewers, d’Gregoria Giordano, d’Carine Kinarian an d’Svenja Thill e “Certificat Europass Mobilité” iwwerreecht.