Véier Schülerinnen a Schüler vun T2GC (12e technicien en génie civil) hunn d’Chance, fir vum 11. Juni bis den 9. Juli 2016 e Stage vu véier Wochen bei Architekten- an Ingenieursbüroen zu Hamburg ze maachen. Dës Stagen fannen statt am Kader vum “Erasmus+” Projet vum LJBM, dee vun der Europäescher Kommissioun subventionéiert gëtt. An der Mëtt vun hirem Stage ass den Här Roland Herrmann op Hamburg gereest, fir d’Schüler an hire Betriber ze besichen. Hien konnt sech dovun iwwerzeegen, dass d’Schüler begeeschtert sinn vun hirem Openthalt zu Hamburg, an dass de Projet och dëst Joer rëm e groussen Erfolleg ass.