Am Kader vum Stage écologique ass d’2eCC/2eCLC de 4. Juni 2021 een Dag zu Huelmes gewiescht. Start war moies am Schlass, wou als éischt d’Lag an d’Bedeitung vum Schlass gekuckt ginn ass. Vun hei ass et dann de Bierg erof gaangen bis zur Waasserquell « Diddelbuer ». Ënnerwee an och un der Quell selwer si Gestengsschichten analyséiert ginn (Geologie). Hei sinn och chemesch a physikalesch Analysen zu eisem Lëtzebuerger Sandsteen gemaach ginn.

Vun hei ass et dunn bis bei d‘Weieren an d’Baach weidergaang, fir déi zwee verschidden Ökosystemer chemesch a biologesch ze analyséieren. D‘Schüler hu sech hei däerften austoben a konnte verschidden Déieren, kleng a grouss, aus dem Waasser fänken, fir se duerno ze analyséieren. E puer Schüler hu souguer eng Mouk gefaangen! (D‘Déieren sinn natierlech duerno all erëm fräigelooss ginn. 😉)

D‘Schüler ware motivéiert, woubäi d‘Wieder och nach super bei sonnegen 22°C matgespillt huet, wat alles zu enger gelongener Sortie bäigedroen huet. Mir haten och ee « special guest » an zwar ee ganz léiwe Mupp Rosie. 😊

Accompagnateurs: Tania SIMON, Jérôme ZENS