E Méindeg gouf et fir eis 2e- a 1re-Schüler e politesche Speeddating mat Kandidaten aus 6 Parteien. 6 Kandidaten hunn sech an engem lockere Kader de Froe vun eise Schüler gestallt. En vue vun den Nationalwalen den 8. Oktober konnten sech eis Schüler sou weider informéieren, mat dëse Politiker debattéieren, fir dann e Sonndeg hir Responsabilitéit als Éischtwieler z’iwwerhuelen. E grousse Merci geet un de Lou Linster (DP), de Max Molitor (LSAP), de Moritz Schaaf (déi gréng), den Alija Suljic (déi Lénk), de Christian Weis (CSV) an de Maksymilian Woroszylo (ADR) an den Här Lessing fir d’Organisatioun.