Den Ordre des Géomètres feiert dest Joer seng 25 Joer. An deem Zesummenhang organiséieren d’Geometeren eng grouss Expositioun bei eis am Lycée iwert d’Kartographie zu Lëtzebuerg an iwert de Beruff vum Geometer. Et kann een ënnert anerem iwert dat ganzt Lëtzebuerger Land am Moosstab 1/20000 um Buedem spadséieren, et gesäit een d’Entwécklung vun der Bebauung unhand vun alen a méi neie Loftbiller an topographëschen Kaarten an villes aneres méi. Des Expositioun an eisem Festsall ass extra geduecht, fir dass eis Schoulklassen an der Woch virun der Allerhellgevakanz se kënnen kucke goen.