D’lescht Schouljoer huet den LJBM zwee erfollegräich Repair Caféen organiséiert. Bei engem Repair Café geet et dorëms, futtis Objeten (z. B. kleng Elektrogeräter, Kleeder, Computeren, Spillsaachen etc.) ze flécken a weiderzebenotzen, statt se ewechzegeheien. Sou droen d’Schüler zum Ëmweltschutz bei, léieren nei Kompetenzen a léieren och aner Leit kenne wéi an hirem normale Schoulalldag. Et gëtt och dëst Joer erëm zum Schluss vun all Trimester déi „grouss“ Repair Caféë vun 10:10 bis 14:20 Auer am Makerspace (A015): 18.12., 25.3., 8.7. Save the dates! De Projet gëtt awer och erweidert: Nieft dëse „groussen“ Repair Caféen gëtt et och „kleng“ Repair Caféen, wou d’Schüler oder d‘Personal, déi en Objet wëlle flécken, kënne laanschtkommen. Déi sinn all zweete Méindeg vun 11:50 bis 12:40 Auer och am Makerspace. Falls dir also Saachen doheem hutt, déi gefléckt solle ginn, mellt iech iwwert www.edulink.lu/j8ml un!