Vum 2. op de 5. Mee waren d’Schüler vun der 2TPGC2 an der 2GA3D op Roum. Sie hu vill kulturell Andréck vun dëser schéiner Stad konnte sammelen. Déi historesch an architektonesch Hannergrënn vun all Gebai,
Plaz oder Monument si vun de Schüler am Virfeld recherchéiert ginn an op deene verschiddene Plazen presentéiert ginn. No 4 sonnegen Deeg a bal 70km ze Fouss, hu si ikonesch Plazen, wéi den Trevi-Buer, de Kollosseum, de Pantheon, de Plaffong vun der Sixtinescher Kapell, bis hin zur Kuppel vum Péitersdoum konnte besichen. Grazie, Roma! 🇮🇹