Den 10. an 11. Juni war d’3C fir zwee Deeg op Bréissel. Mat hirem 1. Präis beim Projet 2016 vun der Association Luxembourgeoise des Nations Unies (ALNU) zum Thema “Aide humanitaire d’urgence” haten si eng Visite vu verschiddenen Institutioune vun der UNO (OCHA, UNISDR an UNRIC) gewonnen. Eise Lycée huet et hinnen erméiglecht, nach e weideren Dag zu Bréissel ze bleiwen, fir sech d’Haaptstad selwer méi genau unzekucken. Et stoungen niewent der Grand Place, de Galeries Royales Saint-Hubert, dem Manneken an dem Jaenneke Pis nach vill aner Sehenswierdegkeeten, wéi de Jardin du Petit Sablon, de Musée du Cacao et du Chocolat an d’Bourse, um Programm.