Réckbléck: De 27.3. hu mir am LJBM eisen éischte « Repair Café » organiséiert. Bei engem Repair Café geet et dorëms, futtis Objeten ze flécken a weiderzebenotzen, statt se ewechzegeheien. Sou droen d’Schüler zum Ëmweltschutz bei, léieren nei Kompetenzen a léieren och aner Leit kenne wéi an hirem normale Schoulalldag. Op dësem Dag si 16 Objete reparéiert ginn, 1 net ganz, an 2 konnte leider net gefléckt ginn – e ganz gutt Resultat! Well dës éischt Editioun e groussen Erfolleg war, fënnt den 10. Juli den nächste Repair Café an eisem Lycée statt.