En Donneschden, de 16. November hunn eng ronn 110 Schüler vun de Klassen 4e an 3e aus dem Enseignement Classique a Général aus dem Mamer Lycée un der Qualifikatiounsronn fir déi 11. Naturwëssenschaftsolympiad deelgeholl. Ze beäntwerte woren 30 Froen zu de Fächer Biologie, Chimie a Physik. Gefrot war net onbedéngt Wëssen, wat um Programm steet, mee ee gutt fondéiert Allgemengwëssen an de Naturwëssenschaften. Dëse Concours gëtt organiséiert fir den Interêt vu Jonken an d’Naturwëssenschaften ze förderen. Landeswäit hunn Schüler aus 30 Lycéeën matgemaach an déi bescht 75 Schüler packen et an d’Halleffinall … Wien säi Wëssen gären test oder d’Froen an Äntwerten kuckt: méi ënner www.nwo.lu oder facebook.com/olympiad.lu Jacques PIR – 11/2017