Beim „Programme d’échange individuel interrégional Schuman“ kënne Schüler vu 7e bis 4e een Austausch vun 2 Wochen an der Groussregioun maachen. An deem Kader huet den Här Schmitz, Koordinator vun den Austauschprojeten am LJBM, de 6. Mäerz d’Louna begréisst, eng Schülerin aus Frankräich, dat vum 6. bis de 17. Mäerz bei eis un de Coursë vun der 4GA3D deelhëlt. Uschléissend wäert d’Meggy, seng Partnerschülerin, 2 Wochen am Frankräich verbréngen an do zesumme mam Louna an d’Schoul goen. Mir wënschen deenen 2 Schülerinnen eng schéin Zäit a vill flott Erfarungen am Kader vun dësem individuelle Schüleraustausch.