En Donneschdeg, de 16.11., waren d’Madamm Ribeiro an d’Madamm Controguerra vum STATEC bei eis an d’Schoul komm, fir eise Schüler hire Präis z’iwwerreechen. Den Nathan, den Damien an de Misael haten als Ekipp _ALGEBROS_ am Kader vun der European Statistics Competition eng fantastesch 2. Plaz erreecht. Mir gratuléieren nach eemol nodréiglech eisen 3 Schüler fir hir super Leeschtung. E Merci geet och un den Här Heymans fir d’Ënnerstëtzung.