Oft gëtt vergiess, dat mer nieft der aktueller Klimakris och eng Biodiversitéitskris gëtt. Wëll vill eenhemesch Déierenaarte vum Ausstierwe bedreet sinn, huet d’Optioun „Save Our Planet“ zesumme mat hirem Enseignant T. Betz am Holzatelier speziell Flëntermauskëschte gebaut, déi elo am Fréijoer un der Fassade vum Mamer Lycée opgehaange goufen. Des Fliedermauskëschten déngen haaptsächlech fir Aarten aus dem urbane Raum eng Verstoppméiglechkeet an Liewensraum fir sech ze reproduzéieren unzebidden. Mir si gespaant wéini mer déi éischt Locataire beobachte kënne …