D’Schüler vun eise Klasse 5G1S, 5G2, 5G4, 5G5, 3CC, 3C-URBS an 3C-COMED haten e Freideg, de 5. Juli, d’Méiglechkeet, sech op d’Spuere vun enger vun de markantste Schluechten aus dem 1. Weltkrich ze beginn, an zwar zu Verdun. Um Programm stounge Visitte vun der Tranchée de Chattancourt souwéi dem Fort & Oussuaire de Douaumont. D’Besiche vun esou Gedenkplaze si wichteg, fir d’Geschicht lieweg ze halen an d’Wäertschätzung vum Fridden ze stäerken.