De Comenius-Projet « School against Racism – Music for mutual respect » bei deem Schüler a Proffen aus dem LJBM  während de Schouljoeren 2013-2014 an 2014-2015 matgemaach hunn, ass dëst Trimester zu Enn gaang.

5 Schoulen aus Däitschland, Polen, Spuenien, der Belsch a Lëtzebuerg hu jeweils ee Meeting vu 6 Deeg organiséiert, wou si Schüler a Proffen aus deenen anere Länner invitéiert hunn. Nieft diverse Visiten ass och bei all Meeting geziilt um Schlussprodukt vun dësem Projet geschafft ginn: e Song an e Videoclip géint Rassismus, a fir Toleranz.

1. Meeting zu Baza (E) am Oktober 2013: Analyse a Presentatioun vu verschiddene Protestsongs
2. Meeting zu Mamer (L) am Januar 2014: Ausschaffen vun enger Enquete zum Thema Integratioun
3. Meeting zu Grudziadz (PL) am Oktober 2014: Schreiwen vun engem Songtext
4. Meeting zu Neufahrn (D) am Januar 2015: Opzeechnen vu Musek a Gesang an engem Tounstudio
5. Meeting zu Eeklo (B) am Abrëll 2015: Dréi vum Videoclip

Hei kennt Dir iech d‘Resultat ukucken:
E Song, dee vun der Musek iwwer den Text bis bei de Videoclip komplett vun de Schüler aus deene 5 Partnerschoulen realiséiert ginn ass!

Déi éischt 80 Sekonnen am Video sinn d’Schüler aus dem LJBM ze gesinn.

Matgemaach beim Videodréi während dem Meeting zu Eeklo hunn: Emma de Jong (11PS), Jimmy Gomes Varela (5CM1), Linda Lang (11PS), Kim Evers (10PS), Marisa Gomes Marques (5CM1) an David Wolter (T2GC4).