Dës Aktioun ass lancéiert ginn, fir trotz dëse schwieregen Zäite vum “Homeschooling” eraus an d’Natur ze goen a Planzen an Déieren ze beobachten (natierlech ënnert de bekannte “stay safe”-Consignen!). Zil vun dëser Aktioun ass et, mat Hëllef vun der gratis App iNATURALIST méiglechst vill verschidde Planzen an Déieren ze beobachten an an der Natur ze bestëmmen. D’Schüler leeën sech e Kont un an trieden dem Projet LJBM NATURE CHALLENGE 2020 bäi, fir dann mam Handy oder iPad Fotoe vu Planzen an Déieren an der Natur maachen ze kënnen. D’wëssenschaftlech Communautéit hëlleft, wann ee mam Bestëmmen net weider weess. Link:  https://www.inaturalist.org/projects/ljbm-nature-challenge-2020