2-Dagestour mam Mountainbike

Vum 12. bis den 13. Juni 2015 sinn 12 Schüler aus dem LGL an aus dem LJBM zesummen mat hire Sportsproffen mam Mountainbike vum Mamer Lycée aus bis op Huelmes an ërem zeréck gefuer. Op flotten an techneschen Trailen si mir un eis Grenzen gaangen an an der Jugendherberg vun Huelmes hu mir nei Kraaft getankt fir den Heemwee ze meeschteren! An zwee Deeg sinn iwwer 65 km an 1500 hm zesummekomm, mee d’Schüler waren bis zum Schluss mat vill Asaz a Motivatioun bei der Saach!