Eis Participante vum Mérite Jeunesse hu sech op hir Bronze-Expeditioun virbereet. Si hu geléiert, wéi een e Rucksak paakt, um Gaskocher e Mëttegiessen zoubereet, a si hu sech mam Kaarteliesen auserneegesat. Dono gouf nach en 12 km laangen Trajet vun der Drëps iwwer Koplescht bei de Fräiheetsbam absolvéiert. Eis véier Participanten haten e flotten a léierräichen Dag a freeë sech schonn op hir final Expeditioun am Abrëll.