Ons BTS-Studenten (Promotioun BCT2015 & BBI2015) kruten den 22. Dezember 2016 Geleeënheet, fir dat neit Gebai vun der VALENTINY FOUNDATION zu Remerschen ze entdecken.
D’Studenten woren an der Begleedung vum Sandy Johanns, Jorge Machado an André Wildschutz. D’Missioun vun dëser Fondatioun ass d’Wierk vum Architekt François Valentiny ze konservéieren an engem breede Public zougänglech ze maachen. Och wann hautdesdaags vill um Computer geschafft gëtt, gehéiert de François Valentiny nach zur Generatioun vun Architekten, déi vill gezeechent, gemolt a Skulpturen realiséiert huet. Eng weider Missioun ass déi vun der Formatioun vun der jonker Generatioun.
« Apprendre à regarder et aider les jeunes »
Mir soen dem Här G.G. Kirchner, Direkter vun der Fondatioun, ee grousse Merci fir déi passionéiert Erklärungen zur Visite. André WILDSCHUTZ – 12/2016