Am Kader vun den Journées du Patrimoine 2016 kruten d’Schüler vun der T3GC3 d’Geleegenheet, fir um Vernissage vun der Ausstellung « Denkmalschutz und Barrierefreiheit » an un der uschléissender Konferenz « Denkmal im Design for All » deelzehuelen. Dës Wanderausstellung ass konzipéiert ginn vun der TU Berlin am Atelier vum Professer Burkhard Lüdtke (modellunddesign.de). Studenten hu Virschléi (Zeechnungen a Modeller) entwéckelt, fir Berliner Baudenkmäler barrierefrei ze maachen. Mir soen dem Team vun der TU Berlin (Burkhard Lüdkte, Annette Müller, Robert Niemann an Dimitri Bohl) an der Madame Ingeborg Stude vun der « Senatsverwaltung für Stadtentwicklung und Umwelt Berlin / Koordinierungsstelle Barrierefreies Bauen » ee grousse Merci fir d’Präsentatioun an d’Erklärungen vun deenen exemplareschen Virschléi vun enger barrierefreier Gestaltung fir historesch Gebeier un ons interesséiert Schüler. Mir hunn vun de Berliner vill bäigeléiert.
André Wildschutz – 11/2016