De 9. an 10.3. hu sech knapp 90 Leit aus dem Lycée Josy Barthel vu Mamer fir zwee Deeg Formation continue an de Sporthotel Leweck zréckgezunn. Encadréiert duerch extern Formateuren (wéi z. B. EDUTEC, BEE-Secure, den Här Alain Hoffmann oder den Här Pierre Weissgerber) an awer och intern Experten hunn d’Memberen vum Personnel enseignant an administratif an d’Direktiounsequipe un hiren “digital skills” geschafft. Am Mëttelpunkt vun dëser Formatioun stung de prakteschen Ëmgang mam Office365 a mam iPad. De Lycée Josy Barthel Mamer versicht sech esou op eng ëmmer méi digital Welt anzestellen an de Schüler dat bescht Ëmfeld fir hir perséinlech Entwécklung ze bidden. Jean-Luc GLEIS – 03/2018 – Article LW du 17/04/2018