Dëse Méindeg ass den Europadeputéierte Claude Turmes bei eis 11e-Klasse vum Génie Civil op Besuch komm. Am Festsall vum LJBM huet en e spannende Virtrag iwert erneierbar Energië gehalen. Ënner anerem goufen d’Schüler iwert Null-Energie-Haiser opgakläert, an di erneierbar Energië vun der Zukunft, wéi Offshore-Parks, goufen hinne méi no bruecht. No sengem Virtrag huet den Här Turmes sech nach Zäit geholl, fir de Schüler hir vill Froen ze beäntwerten.