Erasmus Plus Projet

Och wann den Erasmus Plus Projet opgrond vun der aktueller Situatioun am Moment leider net sou stattfanne kann, wéi dat geplangt war, ass déi gutt Stëmmung an der Ekipp vu Schüler an Enseignanten net ënnerzekréien. Sou och en Donneschdeg de Mëtteg, wéi d’Gadgeten an T-Shirten mam offiziellen Logo vum aktuelle Projet „Face the past – change our future“ verdeelt gi sinn. De Gewënnerlogo gouf aus enger ganzer Rei Logoen, déi vun de Participanten aus de 5 Länner eragereecht gi sinn, ausgewielt an ass d‘Aarbecht vum Sophie Lieffring, also enger Schülerin aus dem lëtzebuergeschen Team, wat dat Ganzt nach méi besonnesch mécht.