Wou kënnt d’Mëllech hir a wéi liewen d’Kéi um Bauerenhaff? Wéini kritt d’Kou e Källefchen a wat sinn d’Aufgabe vum Bauer? Den 20.2. hunn och d’Schüler vun der 7G1S e flotten Dag um Haff Vosman an am Mariendall verbruecht. Si konnten sech alles ukucken, selwer mat eng Hand upaken an dono souguer d’Mëllech an aner Produite selwer an der Kiche verschaffen an och schmaachen. Och déi aner Déiere vum Bauerenhaff goufe versuergt an d’Schüler hu geléiert, wéi d’Ernierung mat der Verdauung a mam Gebëss vum Déier zesummenhänkt. D’Fotoe weisen, datt eis Schüler vill Spaass haten.