Den 9.11. hunn d’Schüler vun eisen dräi Scientifique-Klassen am ESG (7G1S, 6G1S a 5G1S) um Science Festival deelgeholl, deen an der Abtei Neumünster an am Naturmusée organiséiert ginn ass. An Ateliere vu jeeweils enger hallwer Stonn kruten eis Schüler en Abléck a Sujeten aus ënnerschiddleche wëssenschaftleche Beräicher, wéi Statistik, Biologie an Ëmwelt, Chimie a Physik, bis hin zu ganz aktuellen Theeme wéi deem vun der kënschtlecher Intelligenz.