„Ee klenge Geste, eng grouss Wierkung“ war den Titel vun der Konferenz, op déi d’Schülerinnen an d’Schüler vun der 10PS1 de 15. Juni agelueden haten. Ënnert hirer Moderatioun hunn Experten iwwer déi wichteg Themen Bluttspend, Organspend, Knachemuergspend, Häerzstëllstand an Hireschlag referéiert. Et waren dat de Prof. Dr. Claude Braun (Luxtransplant), den Här Yannick Lieners (Plooschter-Projet), den Dr. Pascal Stammet (CHL, LRC) an d’Madame Chantal Keller (Blëtz asbl). Um Uschloss un d‘Virträg hat ee bei engem Patt nach d’Méiglechkeet, sech bei den Experten, de Schüler/innen a bei de Stänn vun den eenzelen Organisatiounen weider Informatiounen ze besuergen. Dee ganz interessanten Owend gouf vun der Biologieprofessorin Lydie Hoffmann an hirer Klass am Kader vum projet d’étalissement „Josy Helps“ organiséiert. Bob LEURS – 06/2017 – Flyer – LW du 30/06/2017 – LW du 04/07/2017