D’Schüler vun der 1TPGC2 haten e Freideg, 25. Mäerz, en interessanten Echange mam Felix, engem jonken Architekt. De Felix ass e fréiere Schüler vum LJBM aus der Sektioun « Génie Civil ». Hien huet dono Architektur studéiert an ass säit e puer Joer an der Aarbechtswelt aktiv. Unhand vu verschiddene Projeten, un deenen hien de Moment bedeelegt ass, huet de Felix de Schüler d’Vilfalt vum Beruff Architekt/Bauleiter präsentéiert an huet och zum Studium Äntwerten a Rotschléi konnten ginn. De Felix ass President vun der AAALJBM, der Association des Anciens et Amis du LJBM, déi ëmmer bereet ass hir Erfarungen un déi aktuell Schüler weiderzeginn.