De 7.3. waren 8 Schüler fir de Lycée Josy Barthel um Dubbel-Championnat am Badminton am Asaz. Wärend bei de Jongen am Cadet-Alter den Daniel an de Gilles sech op der 16. Plaz an domadder eng Plaz virum Tim a virum Sven placéiere konnten, si bei de Junioren de Jakub an de Patrick déi 14. ginn. Nach besser hunn et de Louis an den David gemaach, déi an der selwechter Alterskategorie op eng excellent 3. Plaz komm sinn.