Wat ass Demokratie? Wéi eng Roll spille mir an deem System? Den Zentrum fir politesch Bildung (ZpB) huet mat de 5P-Klassen en Atelier zu dësem Thema duerchgefouert. Dobäi hunn d’Schüler hir eege Parteie gegrënnt an hir politesch Interessen duergestallt an argumentéiert. Zum Schluss hunn déi Jugendlech eng, aus hirer Siicht, “ideal” Stad gebaut. Interessant Diskussioune sinn opkomm, bei deenen all Eenzele seng Meenung äusseren a vertriede konnt.