Wéi all Joer war eise Lycée och dëst Joer erëm um Chrëschtmaart zu Mamer vertrueden. Eis Schüler vu 6e a 8e hu selwer gebastelt Chrëschtdekoratiounen, Kichelcher, Viz, Apfelschorle an Schokelasfondue verkaaft. Den Erléis ass fir d’Classe de neige zu Hinterglemm. De Proffecomité hat Samschden de mëtten op ee Patt op de Chrëschtmaart invitéiert a Sonnden de Mëtten hunn eis Musikanten a Sänger ee flotte Concert zum Beschte ginn. Ee grousse Merci un all d’Schüler an d’Enseignanten déi zum Geléngen vun dëser Aktivitéit bäigedroen hunn. Monique LINSTER – 12/2016