Am Kader vun der Campagne “Réagis” vum LRC (Luxembourg Resuscitation Council) a ganz no dem Motto “E Geste, dee Liewe rett” hunn d’Schüler vu 4e an 2e och dëst Joer nees liewenswichtegt Wëssen opgefrëscht. Si hunn nach eemol trainéiert den 112 ze ruffen, eng Häerzmassage ze maachen an d’Häerz mat Hëllef vum Defibrillator nees an de Rhythmus ze kréien. Mat dëse Grondschrëtter léieren déi jonk Leit am Eeschtfall op een Häerzstëllstand ze reagéieren an esou d’Zäit z’iwwerbrécken, bis de Samu antrëfft. Den “Du” ass wichteg!
LJBM – “Du, d’Natur an d’Wëssenschaft.”