Réckbléck: E Freideg, den 12.5., war d’Klass 2GA3D a Begleedung vun hiren Enseignantë Mme Strasser an Här Di Stasi op Déifferdeng an de Science Center, fir do zesumme mat Architekte vum OAI an Ingenieuren een Abléck an den Alldag vun dësem Beruffsstand ze kréien. Hei konnten d’Schüler an diversen Atelieren experimentéieren, Virträg vun Experten um Gebitt Constructioun an Urbanismus lauschteren an och Froe stellen. D’Schüler kruten esou een interessanten Abléck an déi komplex Welt vum Génie civil, vum Stroossen- a Bréckebau esou wéi der urbanistescher Planung.