D’6C1 huet leschte Freideg als alleréischt Klass kënnen den neien Beiestage ausprobéieren, dee vum Jugendzenter Huelmes fir de Secondaire ausgeschafft gouf. 😃 D’Schüler waren zu 4 Fuerscherteams, déi unhand vu flotten Experimenter alles zu den Themen “D’Bei als Architekt”, “D’Bei als ekonomesche Facteur”, “D’Kommunikatioun vun de Beien” an “D’Regulatioun vun der Wäermt” geléiert hunn. Dono kruten se verschidden Typpe vu Beiestäck gewisen a se hunn déi 3 Beiewiesen méi no kennegeléiert. Jiddereen huet uschléissend säin eegent Wuessduch gemaach, wat een als Ersatz zu Frischhaltefolie gebrauche kann. Et war spannend, op eege Fauscht alles iwwert d’Beien z’erfuerschen a frëschen Hunneg ze schmaachen. 😋😊