Eis 7G scientifique war als Ofschloss vun dësem spannenden 1. Joer am Lycée leschte Freideg an de Science Center op Déifferdeng. D’Schüler krute moies eng flott Show gebueden, wou si méi iwwert d’Theema Optik gewuer gi sinn: Vu siichtbar an onsiichtbar Luucht iwwer Prismen a Reeboufaarwen bis hin zu Fluoreszenz a Phosphoreszenz hu si vun der Naturwëssenschaftlerin aus dem Science Center alles erkläert kritt. Duerno stoung dann nach Entdecken um Programm, wou eis Schüler du vill kleng Experimenter mat den eegene Sënner konnten erfuerschen. Et war e ganz gelongenen Dag zu Déifferdeng a mir wënschen eise Schüler elo eng erhuelsam a schéi Vakanz!