Et ass fir eis Schüler vu grousser Bedeitung, een Abléck a verschidde Firmaen ze kréien. Sou léiere si d’Beruffer ganz konkret um Terrain kennen a kënne beschtefalls souguer ee Stage oder eng Léierplaz fannen. Den 3. November huet den Direkter Här Konsbruck vun der Belle Etoile an eng Equipe vu Commerçanten eis mat oppenen Äerm empfaangen, fir mat de 5P-, 5AD- a CIP-Schüler eng Visite d’entreprise duerch de ganze Shopping Zenter z’ënnerhuelen.