Den 20. Mee waren d’Schüler vun der 3GA3D an déi belsch Haaptstad Bréissel. Si hu vill kulturell Andréck vun dëser schéiner Stad konnte sammelen. Nieft dem Atomium, deen si esouwuel vu baussen ewéi och vu banne konnte bestaunen, si si an de Musée du Design gaangen a konnten duerno an der Stad déi historesch an architektonesch Gebaier, Plazen a Monumenter entdecken. Déi traditionell Gaufre huet natierlech och net däerfe feelen.